الكيتو دايت وتكيس المبايض

(الكيتو دايت وتكيس المبايض)
مشكله تأرق تفكير اغلب النساء و انتشار هذه الحاله المرضيه بشكل ملحوظ الي تسبب كثير من المشاكل النفسيه والمشاكل الصحية اخر الاحصائيات التقديريه تشير الى اصابة امراه واحد من بين عشرة نساء رقم مرعب واهم مشكله يسببها هذا المرض هي عملية الخصوبه وتاخرالحمل او العقم احب اوضح بهذا المنشور سبب هذه الحاله وعن علاجها بابسط الطرق معرفة السبب جدا مهم ولو الاغلب يبحث عن الحل والعلاج بدون معرفة السبب
طبعا من خلال بحثنا واطلاعنا وتخصص گروبنا بنظام الكيتو دايت دائما ينربط موضوع التكيس بالكيتو دايت وبيني وبين نفسي ردت اعرف سبب المشكله وتفاصيلها وليش الكيتو يساعد بعلاج هاي الحاله وتابعت وتواصلت مع اطباء متخصصين لم اجد منهم جواب شافي عن السبب المباشر او بالاحرى لم يتم التوصل الى سبب معين واضح الى ان تابعت الدكتور الكندي جايسين فونغ عن طريق الطبيبه العلاجيه ناديه باتيجوانا وتقريبا هذا الدكتور شخص المشكله بطريقه علميه وبحثيه طبعا السبب معروف جدا وواضح وميحتاج شرح وكتابه ولكن بدون تفاصيل فقط السبب كذا والعلاج كذا ولكن حبيت نوضح كيف يكون هذا الشي هو السبب طبعا راح احاول بشي مختصر وكلامي كيميائي وهرمونات والخ وبعدها ندخل للسبب والعلاج والحلول
وجد بالمؤلفات العلميه ربط بين ارتفاع هرمون الانسولين وبين ارتفاع الاندروجين الهرمون الذكري الي يتكون من عدة هرمونات ذكريه من ضمنها التستوستيرون كيف هذا الربط؟ توجد في المبايض خلايا تسمى (القاربيه)وظيفتها انتاج التستوستيرون في المبايض تسمى الحالة بسكر المابيض وتحتوي كذلك على مستقبلات الانسولين هاي المستقبلات تعطي اشاره بان هناك غذاء كافي لعملية التخصيب والحمل وعند زيادة الانسولين تنتج كمية فائضه من هرمون التستوستيرون وهذا الشي غير جيد بالنسبه للمراه ومن هاي الحاله ابتدت اصل المشكله راح ترتفع الهرمونات الذكريه وراح اسبب كثير اعراض منها حب الشباب ومنها عدم انتظام الدوره الشهريه ومنها تساقط الشعر وزيادة كثافة الشعر بالوجه وبالجسم بالاضافه الى التكيسات على المبايض وتعرفون سبب هاي العمليات المعقده والي انتجت كل هاي المشاكل هو ارتفاع الانسولين (مقاومة الانسولين) ومقاومة الانسولين مو فقط اسبب هاي المشكله لا كثير مشاكل محضر منشور ان شاء الله مفصل
كذلك نلاحظ اغلب المصابات بالتكيس وجود سمنه ودهون بمنطقة البطن رغم نحافة كل الجسم ونلاحظ شراهة بتناول الكاربوهدرات بشكل مو طبيعي مثل المخبوزات والمعجنات والحلويات والرز والفاكهه ومن هنا ابتدت المشكله طيب الان الي يقرأ ينتنظر الحل الحل بكل بساطه نعالج ارتفاع الانسولين كيف نعالجه نعالجه بنظام قليل الكاربوهدرات مثل الكيتو ونعالجه بالصيام المتقطع هذه الطريقتين تحد من ارتفاع الانسولين ولهذا ليش الاطباء يوصفون علاج مساعد سكر (متفورمين) لان هو بالاساس يوصف لمرضى السكر نوع ثاني لعلاج مقاومة الانسولين وهنا عرفنه السبب وطريقة معالجة السبب طريقه سهله امنه وغير مكلفه ومضمونه بدون علاجات وادويه وبدون مضاعفات وهذا مايعني الاستغناء عن رأي وتشخيص الاطباء وكل حاله تختلف عن حاله اكيد ومن خلال هذا الشرح راح يكون واضح كيف نعالج هاي الحاله وكيف يتم الوقايه لان الحاله تبدي من سن المراهقة للفتاة بسبب السلوكيات الغذائيه الخاطئه ونصححه بالانظمه الغذائيه الصحيه لان المشكله لايحمد عقباها تتعلق بصحة و سعادة المراه والحمل والانجاب كونوا على ثقه وبدون مبالغه من خلال تواجدي ومتابعتي بهذا الگروب الي كان سبب بفرحة كثيرنساء كانوا يعانون من مشاكل بالانجاب والتكيس وبفضل الله وبفضل هذا النظام انحلت كل هاي المشاكل ولهذا دائما اوصي لاتنظر للنظام من ناحية تنزيل الوزن فقط وانما الشغله تتعدى شغلة الوزن والسمنه واسف جدا جدا على الاطاله شاركوا المقالة للاستفادة لاكثر عدد ممكن لحل مشكلة الكيتو دايت وتكيس المبايض

اترك رد

لن يتم نشر عنوان بريدك الإلكتروني.