كيف أختار الاجبان الصحية في الكيتو؟

كيف أختار الاجبان الصحية في الكيتو؟

كيف أختار الاجبان الصحية في الكيتو؟ كثير من الكيتونيين يدوخ من يريد مشتقات الحليب (الجبنة القشطة الدهن الحر الزبدة) واني واحد منكم كنت ادوخ من أريد أشتري شي الاحظ منتجات الألبان جميعها منزوعة الدسم لسبب واحد بسيط وهو أنه أغلب الشركات المصنعة لهاي المنتجات مقتنعة تمام القناعة انه منتجها كل ما كانت خالية من الدسم كل ما كانت صحية أكثر ههههه
فلذلك قبل سنتين من كنت على الكيتو كنت أحس نفسي غريب وسط هذا الكم الهائل من المعلومات المغلوطة عن الدهون الحيوانية وانو هي الملامة وهي السبب بالسمنة وأمراض القلب والكوليسترول وغيرها من الأمراض الي علقوها برقبة هاي الدهون الصحية النافعة الي الله عز وجل خلقها حتى نستفيد منها. ما أطيل عليكم فقررت قرار مع نفسي ان الجئ للمنتجات العضوية organic وان أذهب بنفسي لريف مدينة العمارة واشتري منهم الدهن الحر والزبدة والروبة الجاموس والقيمر وما احجيلكم عن الطعم… خراااااااافي جداً لأن كانت حيواناتهم كلها ترعى على العشب والمي الحلو فتخيل أنت الحليب الي يطلع شنو من طعم
فنصيحتي الكم اتركو عنكم هاي المنتجات واشترو منتجات الألبان من مصادر موثوقة وخلونا نرجع للطبيعة الأم ومنتجاتها الصحية هبة من رب العالمين ونترك شركات تصنيع الأغذية الي لعبو بصحتنا طوبه
انت بس شوف هاي المنتجات بالصور شلون تنفتح نفسك للأكل وبهذا نكون عرفنا شلون أختار الاجبان الصحية في الكيتو

اترك رد

لن يتم نشر عنوان بريدك الإلكتروني.