كيف ابتدي الكيتو دايت

كيف ابتدي الكيتو دايت ؟

كيف ابتدي الكيتو دايت ؟ تريد تضعف ؟ تريد تكون رشيق ؟ جربت رجيمات ومفادت وياك ؟ تعبت من وزنك ؟ ضايج من روحك بسبب السمن ؟ كمت تخجل من جسمك ؟ تشتري ملابس من الصعوبه تلگه قياسك ؟
تريد نظام غذائي يحل كل هاي المشاكل ؟
صار بخدمتك بس شويه ركز بكلامي واقره زين ولاتتعاجز من القرايه وكمل وياي للاخير راح ادليك على نظام ساحر وخرافي
النظام هذا راح ينزل من وزنك وراح يغير مقاسات جسمك خصر بطن فخذ زند اللغود
لا مو بس هاي نظام كله اكل دسم ومشبع 😘
النظام هذا اساسه يعتمد على الدهون الزبد الحيواني ودهن حر والقشطة وجوز ولوز ولحم وشحم و كثير اشياء دسمة
معقوله انزل وزني واكل دهون هاي شلون ؟
🗯اي مثل مااگلك نظام اسمه كيتو جينك دايت
زين شنو معنى كيتو وليش سموه كيتو ؟
🗯سؤالك حلو تريد معنى كلمة كيتو لو تريد تعرف الية عمل الكيتو ؟
لاوالله اريد الية عمل كيتو لان ادري بيك راح تبقى تحجي هواي
🗯اي صح اني هواي احجي بس ميخالف مقبوله منك
تمام خل انسولف على هذا النظام
هو شنو هذا الكيتو دايت
الكيتو دايت نظام غذائي صحي ، مو ادويه ولا حبوب ولا منتجات تنحيف تشتريها بمبالغ طائلة تصرف فلوس وبدون فائده ومضره بالصحه
نظام يعتمد على قطع النشويات والسكريات ويسمحلك بتناول بروتين ودهون وخضروات
كيف اطبق نظام الكيتو ؟؟
ابساطه اكو اكلات معينه تاكلهم تحس بشبع وراح تعرفهم من خلال الگروب والجدوال الي منشوره بعلامات الگروب و راح تضعف وانت شبعان وبدون حرمان مو مثل باقي الرجيمات بيضه سلك بالريوك والغده شويه لحم بدون دهون والعشاء تفاحه وتبقه الليل كله بطنك تغني اه يويلي
راح تسئل هل في جدول أمشي عليه ؟
🗯نعم اكو جدول بس الجدول منزله لتسهيل الامر بدون متحتار شنو اول وجبه وثاني وجبه بس من راح تفهم النظام وشنو المسموح والممنوع مراح تتقيد بجدول
تاكل من اجوع ومن انت شبعان متاكل حتى لو اجه وقت الغدا والعشاء الي كنت متعود عليه
هذا النظام راح يكسر كل التوقيتات القديمه ممكن ريوكك يكون ساعه ١٢ الظهر وممكن الغدا يكون ساعه ٦ المغرب العشاء بممرور الايام تلغيه لان بالكيتو راح تكون شبعان اطول فتره
زين هو شنو الاكل اللي يناسب جسمي ؟
بالك يمي وراح ندخل للمهم الاكلات
المسموحه :-
✅ خضروات ورقيه بصوره عامه ، سبانغ – كرفس – بقدونس – جرجير باميه – خس فاكهة افوكادو مهم والتوت والفراوله – – طماطم – خيار – قرنابيط – لهانه
✅لحوم الاسماك والدجاج والاغنام والابقار مع احشائها كالكبده وبيض السمك (الثرب)
✅ الدهون الصحيه الطبيعيه (دهن حر شحم حيواني سمن حيواني زبده حيواني زيت زيتون زيت جوز الهند
✅مكسرات جوز لوز فستق بندق حب شمس حب ابيض حب احمر
✅ غالبا تحتاج شوية مكملات ، مابيه ضرر متوفره باي صيدليه مثل مغنسيوم اوميگا ثري سنتروم
✅ البيض رهيب بالكيتو ضروري جدا
✅اجبان عالية الدسم (جبن كيري -جبن عرب – جبن موزرلا)
✅حليب اللوز وحليب جوز الهند
✅قيمر عرب قشطه عالية الدسم كريمة الطبخ او الخفق
✅ ملح هملايا او بحري او ملح خشن الملح العادي تجنبه
✅محليات سكر استيفيا سكر ايريثتول
ممنوعات👇كيتو👇دايت👇محرقة👇دهون
❌امنع كل المعجنات (خبز – صمون – بيتزا- بسكت – كيك – الخ الخ )
❌ امنع كل الفواكة عدا الفراولة✔️ و الافوكاد✔️و و التوت✔️
❌امنع أي سكر و عسل نهائي
❌ امنع النشويات ( رز بطاطا شوفان الخ )
❌ امنع بقوليات نهائي
❌ امنع اي حليب نهائي بكل انواع سائل او بودره
❌امنع اجبان قليلة الدسم والمطبوخه
وراح تفهم بعد اشياء من خلال الگروب گروب كيتو دايت محرقة الدهون ورحلتك مع الكيتو
شفت يعني لحد الان الشغله سهله ولكن تستغرب من كثير اشياء ممنوعه بس ميخالف
زين الاكل حساب كتاب ناكل براحتنه 🤪؟
اول اسبوع او اسبوعين نمشيه الك انگلك اكل براحتك ثلاث وجبات مشبعات دسمات وكثر دهن ولاتخاف علمود جسمك يتعود على االاكل الكيتوني
وبعدها نبدي نقلل التقليل راح يبدر منك لان راح اتحس بشبع وماعندك قابليه وشهيه للاكل واذكر كلامي
انطيك الزبده من الاخير
انت تزود الدهون (الطبيعية) و ركز على كلمة طبيعية والبروتين متوسط و تمنع اي كاربوهدرات نهائي (اللي هي السكر و المعجنات و الرز و المعكرونه و ما شابه )
زين شراح يصير بالجسم ؟
مخازن الجلايكوجين تفرغ ويبدأ الكبد يفرز كيتون ويحرق دهون اكثر من الاول علمود ينطي طاقة بدل طاقة الجلوكوز اللي اصبح اقل بكثير من الاول.
.
وبالتالي تبدأ تخس وتحرق حتى وانت شبعان وفرحان وطاقتك تزيد وتقدر تبني عضل وبالك راح يكون صافي
ناخذ مثال وجبات يوم كامل
الفطور :- ثلاث بيضات مقليه بملعقتين او ثلاث ملاعق زيت زيتون او زبده او اي دهون مسموحه + طبق سلطه وخضروات يتكون نص طماطه نصف خياره نصف فلفل اخضر مع اي نوع خضروات ورقيه مع الليمون + شاي بدون سكر او نصف ظرف سكر كيتو او فنجان قهوه
الغداء :- دجاج او لحم او سمك من ١٥٠ غم الى ٢٠٠ غم مقلي بملعقتين زيت زيتون او اي دهون مسموحه + طبق سلطه وخضروات مع الليمون وعشر حبات زيتون
العشاء :- ثلاث بيضات سلق او علبة سمك تونه + طبق سلطه وخضروات عليهم ملعقتين زيت زيتون
وقبل لاانهي بداية الكيتو اول يوم او اول اسبوع راح تحس اشياء اصير عندك راح ادوخ او اتحس بنحول او تحس تصعد الكئابه عندك لو خفقان يعني اكو عدة اعراض تصير عندك مو راسا تحكم وتگول شورطني ودخلت الكيتو صح لو گالوا الكيتو مو صحي وراسا تترك الكيتو لا حمب قلبي هاي اعراض طبيعيه وعاديه لان بالعقل والمنطق اسنين جسمك متعود على اكل غير صحي حلويات ونشويات وجسمك مشبع بالسكر وفجئه تقطع عنه هاي الاشياء شي اكيد الجسم راح يستغرب
على العموم مو بالضروره تحدث هاي الاعراض وانما قد تحدث وحلولهه سهله وبسيطه تهتم بالاملاح وشرب الماء والليمون وخل التفاح واعراض وقتيه جدا شدتهه وصعوبته اول اسبوع يعني اذا اجاوزت اول اسبوع راح يكون الامر طبيعي جدا وهذا الشرح مختصر جدا وتابع معانا وتعلم وابحث وراح اطبق صح وبعد شهر شهرين راح ترجع لكلامي وراح ادگول اااااااايباه كلامي صحيح كون طولت عليكم اي اعرف لعد شتردون اشربت الموضوع الكم اشربت اريد احلل خبزتي وياكم خبزتي هي رضاكم وسعادتكم وتغير وضعكم للاحسن وبهذا نكون شرحنا بالتفصيل شلون ابتدي الكيتو دايت

اترك رد

لن يتم نشر عنوان بريدك الإلكتروني.