هل البطيخ والرقي مسموح في الكيتو؟

هل البطيخ والرقي مسموح في الكيتو؟ : أكدر آكل البطيخ أو الرقي بالكيتو أو لا؟؟
الجواب : في علم التغذية اكو شغلتين أحب اشرحهم بإختصار حتى يكون الجواب واضح. الشغله الأولى هي المؤشر الغلاسيمي GI، والشغله الثانية هي الحمل الغلاسيمي GL. زين هذا شنو وهذا شنو ؟
المؤشر الغلاسيمي اگدر اشبهه بأطلاق رصاصة من سلاح اشكد السرعة الي تستغرقها الاطلاقة حتى توصل الهدف. كذلك الحال مع المؤشر الغلاسيمي هو السرعة الي ياخذها نوع من الطعام حتى يصعد الأنسولين بالدم. واضح لو بعد أشرح؟ اوكي انطيك مثال حتى تتوضح الصورة أكثر. البطاطا المطبوخة تملك مؤشر غلاسيمي 85، معنى هذا الكلام انو البطاطا أسرع ب 85 مرة في تحفيز هرمون الأنسولين بالدم من الشوفان الي يملك 16 درجة وهكذا. هسه أستاذ افتهمنا المؤشر الغلاسيمي. زين الحمل الغلاسيمي شنو هذا ؟ الحمل الغلاسيمي هو (عدد) اطلاقات الرصاصة، تتذكرون مثالنا الي تكلمنا بي قبل شويه ؟ يعني بعبارة أخرى كم عدد حبات البطاطا هو الي يحدد الحمل الغلاسيمي GL. واضح؟
هسه نجي على الرقي شنو وضعه. الرقي يملك مؤشر غلايسمي مقداره 72. وحمله الغلاسيمي هو 4. زين أستاذ بشنو نستفاد من هاي الأرقام؟ نستفاد من هاي الأرقام انه كل ما كان الحمل الغلاسيمي (أقل) من 10 فهو مسموح. طيب الرقي يملك 4 معناه مسموح مو ؟ نعم مسموح وشيف واحد بس، لكن ممنوع على فئتين من الناس :
▪️ الي عدهم ثبات الوزن.
▪️ الي عدهم خمول الغدة الدرقية وبطئ التمثيل الغذائي.
أتمنى يكون جوابي وضح للجميع

اترك رد

لن يتم نشر عنوان بريدك الإلكتروني.