هل الكيتو يسبب دهون على الكبد؟

سؤال هل ان الكيتو يسبب دهون على الكبد؟
هذه التهمه حالها حال بقية التهم الموجهة لنظام الكيتو نوضح بعض المفاهيم الخاطئة لهذه التهمه
هذه التهمه جاهزه نتيجة المفهوم الخاطئ هوبانه نظام الكيتو يعتمد على الدهون بالنتيجه الكبد راح تكون بيه دهون او تشمع بالكبد وكانما الدهون بالكيتو تؤخذ بشكل فوضوي
طيب هو الكبد الدهني ينتج نتيجة الكيتو دايت لو هو مشكله صحيه حالها حال بقية المشاكل الصحيه
تشير الاحصائيات الصحيه ان مرض الكبد الدهني يصيب نسبة جدا عاليه من الاشخاص ولكن غير واضح المعالم والاعراض لان هو بالاساس مرض لايمكن رؤيته او الاحساس بيه لعدم وجود الاعصاب في الكبد ويعتبر من الامراض الصامته اذن هاي اول نقطه بان هذا المرض ماله علاقه بالكيتو
طيب شنو اهم الاعراض لهذا المرض :-
التعب/غثيان/اوجاع بمركز البطن /تضخم بالكبد /بقع داكنه على الجلد وبالاخص منطقة الرقبه والابطين /مقاومة الانسولين/سكر /تراكم الدهون بمحيط البطن /
واسباب حدوث الكبد الدهني :-
اهم سبب هو تناول المشروبات الكحوليه العياذ بالله
السبب الثاني هو السمنه / الافراط بتناول السكريات والنشويات والدهون الغير صحيه / ارتفاع مستوى الانسولين / ارتفاع مستوى الدهون الثلاثيه / تناول بعض العلاجات والادويه الغير ضروريه مثل البندول
نرجع على موضوع الكيتو دايت وهذا المرض بالمختصر من خلال معرفة الاسباب والاعراض نلاحظ ان الكيتو دايت يعالج الاعراض والاسباب الكيتو يعالج السمنه ويعالج السكر ويخفض مستوى الانسولين ويخفض مستوى الدهون الثلاثيه ويمنع السكريات والنشويات والدهون الغير صحيه بالنتيجه النظام الي يعالج الاسباب يكون وقايه وعلاج من هذا المرض عكس المعلومه الي يروجلها معارضين هذا النظام الكيتو يسبب دهون على الكبد
طيب ممكن الكيتو يسبب دهون على الكبد الجواب نعم
ولكن متى يسبب دهون على الكبد
في حالة انخفاض مستوى الانسولين لاقصى مستوياته وهذا الشي ناتج من تصفير الكاربوهدرات الداخله للجسم وفي حالة عدم تناول خضروات ورقيه بصوره خاصه والخضروات بصوره عامه ولهذا ليش ماننصح بنظام الكيتو الصارم ونظام الكارنيفور اطول فتره بسبب قلة الخضروات والكاربوهدرات
اعرف طولت بالمنشور بس لازم نوضح هذا الشي مو مال شي مختصر والاطمئنان اكثر ارجع ووصي قبل لاتبدي بالنظام اعمل تحاليل وخاصه تحليل وظائف انزيمات الكبد (ALT) وسونر لمعرفة الدهون على الكبد وبعد ثلاث اشهر عيد التحاليل
وملاحظه مهمه جدا :- مو تتبع الكيتو لمدة اسبوعين اوشهر وتحلل وتلاحظ النتائج سلبيه وتصيح راح اموت الكيتو راح يموتني الكيتو مو صحي الكيتو دمر الكبد دمر الكلى وهاي النغمه الي متخلص واذا يكون المعيار والقياس هو الطبيب من اجل الاطمئنان هسه ماشاء الله كثير اطباء فهموا النظام وبدوا ينصحون ويشجعون على الكيتو دايت
كثروا خضروات منظف الكبد مع الليمون و خل التفاح و مكملات فيتامينات B اهتموا بشرب الماء وياربي صحه وسلامه للجميع الي مع الكيتو والي ضد الكيتو الجميع على راسي #كيتودايت #محرقة #الدهون #وسام معله

اترك رد

لن يتم نشر عنوان بريدك الإلكتروني.